Vodacom Bulls want to build confidence

Vodacom Bulls want to build confidence

articles.comments (18)

Die Superrugby-reeks gaan vir die Bulle ’n tog wees waarin selfvertroue gekweek word en ’n lastige reputasie of twee moet sneuwel, berig Die Beeld op 19 Januarie 2016

In 'n onderhoud met Nollis Marais, hoofafrigter van die Vodacom Bulls, skryf die koerant:

Twee van die leemtes wat die Pretoriase span vanjaar wil aanpak, is die span se chroniese skrumprobleme en die Bulle se swak vertonings die laaste paar seisoene in Australasië.

“Die skrums is ’n groot fokuspunt en Gary (Botha) werk baie hard daaraan. Balie Swart gaan ons ook in Februarie weer kom help. Ons wil hierdie seisoen die slegte reputasie dat die Bulle kwesbaar is in die skrums verander,” het Marais gister hier gesê.

’n Ander doelwit is om die Bulle sielkundig sterk genoeg te kry om wedstryde Doer Onder te wen.

Die Bulle was verlede seisoen tweede op die Superrugby-puntelys toe Pierre Spies-hulle oorsee is om die Blues, die Chiefs, die Brumbies en die Rebels te pak. Die besoekers het al vier op ’n streep verloor en het uiteindelik negende geëindig.

“Ons sal dit moet regstel. Dit is iets wat die Bulle in die Heyneke Meyer-era baie goed gedoen het. Ons sal minstens drie wedstryde oorsee moet wen,” sê die afrigter.

Die Bulle kom oorsee teen die Sunwolves, die Western Force, die Brumbies, die Waratahs en die Jaguares te staan.

Volgens Marais is hy “redelik gemaklik” met wie die kern van sy beginspan gaan wees.

“Ek dink die span is so 80% gekies. Daar kan nog een of twee skuiwe wees en beserings speel natuurlik ook altyd ’n rol.”

Die Springbok-losskakel Han¬dré Pollard het intussen uit Japan teruggekeer waar hy vir die NTT Docomo Red Hurricanes gespeel het.

Jesse Kriel, Bjorn Basson en Grant Hattingh sal in die volgende paar dae ook weer saam met die Bulle oefen.

Marais sê hy is tevrede met die spelers se kondisionering.

“Presies hoe fiks die manne is, sal ons seker eers weet wanneer die seisoen begin.

“Ons mikpunt is om die spelers volhoubaar vars en skerp te hou. Dit help nie jy is superfiks wanneer die seisoen begin, maar flou teen die tweede wedstryd nie.

“Die losmakers teen die Cheetahs en die Leeus sal ’n goeie rigtingwyser in dié opsig wees.” Marais voorspel die Suid-Afrikaanse spanne sal hierdie seisoen deur die bank meer aanval.

“Ons het ’n paar aanpassings gemaak aan ons benadering (in die Curriebeker-reeks). Die uitdaging sal wees om te hou by die uitvoering op die aanval wanneer ons onder druk geplaas word.”

 

Pin It

Jan 19, 2016

(18) Vodacom Bulls want to build confidence

  1. gravatar Frik says:
    Rerig!! Ons moet op die Bulle site lees wat n koerant skryf oor ons span!! Belaglig!!! En dit nogal n onderhoud met ons afrigter!! Ai, Barend , my oom Barend!!!
  2. gravatar blue bull says:
    Tx webbie for copy paste articles from Beeld. You are the best creative writer since Zuma's deaf speech translater
  3. gravatar Bloukaap says:
    Die Bulle kan my gratis seisoenkaartjie gee vir die seisoen en ek sal hierdie website regkry soos ondersteuners dit wil he.

    Nee boys, julle is agter.
  4. gravatar Cornelius says:
    Dit is maklik om te praat, sal sien hoe vaar hulle op die veld, die skrum is die oorsaak van bulle se val met Dean en Werner wat baie strafskoppe af staan, en dan die bal besit wat altyd weggeskop word
  5. gravatar Freddie says:
    Dit is pateties die website is nooit update moet altyd uit ander bronne nuus kry , ons Bulls ondersteuners moet regtig aan plan begin werk ,
  6. gravatar Theo says:
    Lees nou op Supersport dat Pollard ook beseer is en dat hy moontlik die wedstryd teen die Stormers kan mis. Glad nie goeie nuus nie.
    Weet iemand dalk wat die situasie met Francois Hougaard is. Is hy by die 7s of die Kings of die Stormers of die Bulle?
  7. gravatar charl says:
    Dis n skande dat daar al negatiewe komentaar is onder ondersteuners en die rugby het nog nie eers begin nie. Dis n moerse skande. SIES.
  8. gravatar bloukaap says:
    Theo

    Hougaard is nie meer in Bulls groep nie, hy gooi sy gewig voluit in by sevens.

    Dean en Werner sal nie vanjaar ons eerste keuse voorrye wees nie.
  9. gravatar RuggafanToo says:
    Ek sien die Stormers praat baie en praat lekker groot in die media. Herriner my nogal aan die Sharks wat die afgelope klomp seisoene baie goeie games vooraf in die pers gespeel het, totdat die kompetisie begin het. Praat van die Sharks, hulle stilte in die pers maak my amper bekommerd, in elk geval meer as die Stompies. ;)
  10. gravatar blue bull says:
    Webbie

    I see in the media that Pollard got injured and miht bw side lined for quite some time.

    Do you know anything about it?
  11. gravatar Theo says:
    Dankie vir die terugvoer Bloukaap.

    Yes Ruggafantoo, ek stem oor die Stormers wat so baie praat. n Stille selfversekering is vir my beter as n klomp grootmonde.

    Ag wat , miskien het hulle rede om grootmond te wees. Ons sal maar moet sien hoe hul seisoen verloop. Miskien loop hulle oor van selfvertroue met PSdT en Etsebeth as hulle slotte.

    Ons manne moet regkom. Ons kan nie die seisoen met n paar beseerdes in sleutel posisies begin nie

    Sterkte Bloues en mag dit n fantastiese jaar vir julle as spelers wees en ook vir ons as supporters
  12. gravatar Franscois says:
    Kom ons hoop vir i beter seisoen ek sal my span soos volg kies wat dink julle manne!

    Gelant
    Jumbo
    jessie
    jan
    obi
    pollard
    paige
    arno
    lappies
    rorlof
    nicolas
    Orie
    marcel
    adriaan
    Trevor

    Callie
    lizo
    bholi
    stegman
    piet
    brummer
    dries
    odendaal
  13. gravatar bluebull says:
    The sevens squad have been anounced. Hougaard has been included. As well as Stromers duo Juan de jongh and Cheslin Kolbe.
  14. gravatar Dylan says:
    Goeie span Franscois maar ek sou 'n paar verander:
    Basson nie Obi
    Hattingh bo Nicholaas
    Steggies bo Roelof (hul kan roteer)
    RG bo Orie
    Bholi speel nie vir ons nie.
  15. gravatar Franscois says:
    Ekt gesien hulle het bholi nie geteken maar dai nuwe seun van die kings probeur! Jammer ons kon hougaard nie kry ek dink almal maak so i groot ding oor paige hy kon nie eers by die leeus plek kry toe hulle rugby swak was!
  16. gravatar Bullebakkies says:
    Sien CJ Stander ingesluit in Iere se 6 nasies groep! Baie bly vir hom!

    Voorspel hy gaan volgende RWC hul kaptein wees!

    Hoop net ons jong slotte kom die mas op! Stormers het verseker as beter vaste vyf as ons, maar ek glo ons loosies en agterlyn is beter as hulle s'n.
  17. gravatar Arthur says:
    Haalo daar,

    Ek wil net weet waar Ruan Steenkamp en Burger Odendal is?Sien geen name van ons groep spelers nie.?Hoekom?
  18. gravatar Bluebull says:
    Arthur

    Ruan Steenkamp has been named captain of Tukkies. He will be brought into the CC side once the Varsity Cup is finished, But if the Bulls would encounter serious depth problems at 6 , Ruan will definitely make his debut at Super rugby level. Stegman is out for 9 weeks and Roelof Smit is still recovering from wrist operation.

    As for Odendaal, I see his training fully with the Bulls top back line. He will ge on the bench, at least. But Nollis decided to give youngsters a chance that will most probably play in the CC side.

Leave a Reply

Your email address will not be published. Required fields are marked *